Prishtinë, 4 korrik 2011
Në një takim të veçantë, zëvendëskryeministrja Edita Tahiri priti ambasadorin e Mbretërisë së Holandës në Republikën e Kosovës, Robert Bosch.
Gjatë takimit u bisedua edhe për raundin e ardhshëm të bisedimeve dhe marrëveshjet e mundshme që do të arrihen që përfshijnë fushat e telekomunikacionit, energjisë, tregtisë së lire dhe çështjen e kadastrave.
Ambasadori Bosch uroi zëvendëskryeministren Tahiri për tri marrëveshjet e arritura në kuadër të dialogut teknik.
Bashkëbiseduesit u pajtuan se dialogu teknik është në funksion të integrimit evropian dhe kontribuon për stabilitetin dhe paqen në rajon.
Po ashtu, u vlerësua i rëndësishëm bashkëpunimi me Holandën, si dhe marrëdhëniet e shkëlqyeshme mes dy shteteve.
Last modified: 4 Korrik, 2011