Me ftesë të Qeverisë së Shtetit të Texas-it të Shteteve të Bashkuara të Amerikës, Zëvendëskryeministri Bukoshi, mori pjesë në Samitin e parë të Texas – BE 2012.
Në panelin për Evropën Jug-Lindore të Samitit Texas-BE që kishte të bënte me lidhjen e bizneseve të Texas-it me tregjet evropiane, krahas përfaqësuesve nga Rumania dhe Bullgaria, Kosovën e prezantoi z. Bukoshi.
Zëvendëskryeministri informoi të pranishmit për zhvillimet politike dhe ekonomike, për lehtësitë që i ofron shteti i Kosovës në investime dhe resurset natyrore e njerëzore që posedon Kosova.
Në kryeqytetin Austin të Texas – SHBA, z. Bukoshi takoi përfaqësues të lartë shtetërorë të shtetit të Texas-it, dhe afaristë nga korporata të ndryshme. Ai mbajti një ligjëratë në Brook Hill School ku prezantoi perspektivat e Kosovës si dhe reformat që janë ndërmarrë për të realizuar qëllimet e integrimeve euroatlantike.
Last modified: 22 Maj, 2012