1 qershor 2012
Si në tërë botën demokratike, edhe në Kosovë shënohet me aktivitetet të veçanta 1 Qershori, Dita Ndërkombëtare e Fëmijëve.
Në shoqërinë tonë, me popullsinë më të re në Evropë, mbrojtja e të drejtave të fëmijëve përbën njërin prej kërkesave themelore të shtetit tonë të ri.
Ofrimi i mundësive të barabarta për fëmijët e vendit tonë, rritja, edukimi dhe krijimi i kushteve për një jetë të lumtur janë parakushte dhe kërkesa të një shoqërie të lirë, demokratike dhe evropiane.
Kujdesi ndaj fëmijëve fillon nga familja, si vlerë humane dhe parim kryesor i shoqërisë së civilizuar, duke iu mundësuar gjeneratave të ardhshme që të arrijnë vlera kulmore në të gjitha sferat e jetës.
Vetëm një shoqëri që ua mundëson gjeneratave të reja mbrojtjen institucionale zhvillon potencialet e veta njerëzore, në dobi të vendit dhe progresit të përgjithshëm.
Qeveria e Kosovës, që nga shpallja shpallja e pavarësisë deri më sot, ka punuar në krijimin e kornizës ligjore dhe institucioneve adekuate per mbrojtjen dhe avansimin e fëmijëve.
Ky përkushtim institucional do të vazhdojë edhe në të ardhmën, në mbrojtje të të drejtave të fëmijëve.
Hashim Thaçi
Kryeministër i Republikës së Kosovës
Last modified: 1 Qershor, 2012