Prishtinë, 13 qershor 2011
Në telegramin e urimit thuhet:
I nderuari kryeministër Erdogan,
Më lejoni që në emër të Qeverisë së Republikës së Kosovës, t’iu shpreh urimet më të përzemërta me rastin e fitores Tuaj në zgjedhjet parlamentare në Republikën e Turqisë.
Përkushtimi juaj për të fuqizuar edhe më tej zhvillimin e hovshëm të Republikës së Turqisë, si dhe fryma e fqinjësisë së mirë, e paqes, stabilitetit dhe bashkëpunimit të të gjitha vendeve të rajonit, që identifikohet me konceptin tuaj, është një garancë substanciale e suksesit të vazhdueshëm të Turqisë.
Qeveria e Republikës së Kosovës rithekson angazhimin për forcimin e marrëdhënieve të shkëlqyera me qeverinë e drejtuar nga ju, në interes të përbashkët të të dy vendeve tona.
Republika e Kosovës është dhe do të vazhdojë të jetë mirënjohëse për mbështetjen e gjithanshme që Republika e Turiqsë i ka dhënë Kosovës në momentet më vendimtare.
Hashim Thaçi,
Kryeministër i Republikës së Kosovës
Last modified: 13 Qershor, 2011