Prishtinë, 29 shkurt 2012
Kryeministri i Republikës së Kosovës, Hashim Thaçi i ka dërguar një telegram ngushëllimi familjes Berisha, me rastin e vdekjes së veprimtarit të njohur, ushtarakut Tomë Berisha.
Në telegramin e ngushëllimit thuhet:
E nderuara familje Berisha,
Me pikëllim të madh morëm lajmin që ndërroi jetë familjari juaj, atdhetari, intelektuali, ushtaraku, akademik Tomë Berisha.
Jeta dhe veprimtaria e Tomë Berishës në të gjitha periudhat ishte në shërbim të çlirimit, të pavarësisë dhe të zhvillimit të Kosovës dhe të gjitha trevave shqiptare.
Roli mbështetës i gjeneral Tomë Berishës gjatë luftës së Ushtrisë Çlirimtare të Kosovës kishte rëndësi të madhe në organizimin e suksesshëm të radhëve të UÇK-së.
Atdhetari Tomë Berisha do të mbetet përherë në kujtesën tonë si një nga personalitetet, që me dijen dhe guximin e tyre kombëtar dhe intelektual dhanë gjithçka për avancimin e gjithanshëm të kombit shqiptar.
Në emër të Qeverisë së Republikës së Kosovës dhe në emrin tim pranoni ngushëllimet më të sinqerta.
Hashim Thaçi,
Kryeministër i Republikës së Kosovës
Last modified: 29 Shkurt, 2012