Prishtinë, 13 qershor 2016
Kryeministri i Republikës së Kosovës, Isa Mustafa, priti në takim lamtumirës shefin e Misionit të Bashkimit Evropian për Sundimin e Ligjit në Kosovë (EULEX), Gabriele Meucci.
Gjatë takimit, kryeministri Mustafa e falënderoi për angazhimin dhe kontributin e tij gjatë misionit në Kosovë, duke vlerësuar bashkëpunimin ndërmjet EULEX-it dhe institucioneve të Kosovës në avancimin e proceseve, gjatë kësaj periudhe.
Shefi i deritashëm i EULEX-it, Gabriele Meucci, vlerësoi progresin e arritur në Kosovë, duke e falënderuar kryeministrin Mustafa për bashkëpunimin e ofruar.
Last modified: 13 Qershor, 2016