Prishtinë, 14 shtator 2016
Kryeministri i Republikës së Kosovës, Isa Mustafa, priti në takim ambasadorin e Australisë, jorezident në Kosovë, David Stuart.
Kryeministri Mustafa dhe ambasadori Stuart biseduan për progresin në Kosovë dhe agjendën zhvillimore e integruese euroatlantike të Kosovës.
Kryeministri Mustafa e informoi ambasadorin Stuart për përkushtimin e Qeverisë në zhvillimin e gjithanshëm të shtetit.
Duke shprehur vullnetin e Qeverisë së Kosovës për thellimin e bashkëpunimit ndërmjet dy vendeve, kryeministri Mustafa e falënderoi për përkrahjen e dhënë nga Australia deri më tani.
Ambasadori i Australisë, David Stuart, shprehu përkrahjen e shtetit të tij për Kosovën dhe vullnetin për thellimin e mëtejmë të bashkëpunimit.
Last modified: 14 Shtator, 2016