Prishtinë, 22 dhjetor 2009
Kryeministri i Republikës së Kosovës, Hashim Thaçi ka pritur sot z.Abdullah Abdulaziz Al – Abdulkarim, Ambasador i Arabisë Saudite në Tiranë.
Në vijim po i japim të plota deklarimet e kryeministrit Thaçi dhe amasadorit Abdullah Abdulaziz Al – Abdulkarim
Kryeministri Hashim Thaçi:
Ishte kënaqësi të prisja ambasadorin e Arabisë Saudite në Tiranë, që përfshin dhe mbulon edhe Maqedoninë, por edhe Republikën e Kosovës.
Falënderova ambasadorin për mbështetjen e plotë që Arabia Saudite, populli saudit i ka dhënë mbështetje të plotë popullit të Kosovës, institucioneve të saj.
Është e njohur dhe mjaft falënderuese nga ana jonë mbështetja e fuqishme në periudhën e luftës nga Arabia Saudite për refugjatët në çështjet humanitare, pastaj në gjithë procesin e tranzicionit demokratik dhe tash, me njohjen e Kosovës si shtet nga Arabia Saudite, është bërë një avancim tjetër i raporteve ndërshtetërore bilaterale.
Tani jemi në kapitullin tjetër, atë të avancimit të këtyre raporteve, forcimet e relacioneve bilaterale, në veçanti tash në kapitullin e bashkëpunimit ekonomik, sjelljes së investitorëve të Arabisë Saudite në Republikën e Kosovës, e në të njëjtën kohë forcimin e marrëdhënieve tona bilaterale të gjithanshme në të gjitha fushat.
Ambasador i Arabisë Saudite në Tiranë, Abdullah Abdulaziz Al – Abdulkarim:
Ju siguroj që mbështetja e Arabisë Saudite do të jetë e vazhdueshme në të ardhmen në të gjitha fushat, aq më tepër në fushën e ekonomisë.
Mbështetja që tregon Mbretëria e Arabisë Saudite ndaj popullit dhe Qeverisë së Kosovës, është një ndjenjë obligimi që ata e tregojnë kundrejt këtij shteti.
Siguroj Kryeministrin Thaçi që unë personalisht dhe qeveria ime nuk do të kursehet në asgjë për të konsoliduar marrëdhëniet tona bilaterale në të gjitha fushat.
Last modified: 22 Dhjetor, 2009