Prishtinë, 2 Prill 2009
Kryeministri i Republikës së Kosovës, Hashim Thaçi përgëzon homologun shqiptar, Sali Berisha, me rastin e pranimit zyrtar të Shqipërisë në NATO.
Në telegramin e urimit thuhet:
I nderuari Kryeministër Berisha,
Anëtarësimi i plotë i Shqipërisë në NATO më 4 prill 2009 është ngjarje me rëndësi historike dhe një e arritur e jashtëzakonshme për popullin dhe shtetin shqiptar.
Kjo fitore Republikës së Shqipërisë është mirëpritur me kënaqësi të madhe nga qytetarët dhe institucionet e Kosovës.
Hyrja e Shqipërisë në NATO është është dëshmi për shkallën e lartë të demokracisë në vendin Tuaj, për thellimin e reformave dhe të arriturat e gjithëmbarshme të shtetit shqiptar.
Zyrtarizimi i pranimit të Shqipërisë në NATO është hap inkurajues për Kosovën dhe shtetet tjera të rajonit që synojnë të bëhen pjesë e Organizatës më të fuqishme ushtarake të botës.
Zhvillimi i qëndrueshëm ekonomik i Shqipërisë, stabiliteti i brendshëm dhe politika e fqinjësisë së mirë janë garancia më e mirë e ecjes së vendit Tuaj drejt ardhmërisë së sigurt.
Në emër të Qeverisë së Republikës së Kosovës dhe në emrin, Ju z. Kryeministër Berisha dhe gjithë qytetarëve të Shqipërisë, u shpreh urimet më të sinqerta për këtë të arritur madhore, me bindjen se Shqipëria do të vazhdojë ecjen e sigurt drejt integrimit edhe në Bashkimin Evropian.
Hashim Thaçi
Kryeministër i Qeverisë së Republikës së Kosovës
Last modified: 2 Prill, 2009