Davos, 16 janar 2024
Pas pjesëmarrjes në panairin “Swissbau 2024”, Kryeministri i Republikës së Kosovës, Albin Kurti, vijoi me agjendën e tij në Davos të Zvicrës, ku u takua me Ndihmës Sekretarin për Çështjet Evropiane dhe Euroaziatike të Departamentit të Shtetit amerikan, James C. O’Brien.
U theksua angazhimi e përkushtimi për fuqizimin e bashkëpunimit e thellimin e marrëdhënieve tona.
Biseda më tej u fokusua në aktualitetin në vend e rajon. Si partnerë dhe aleatë, jemi gjithmonë të bashkërenduar dhe në komunikim të vazhdueshëm. Ndihmës sekretari O’Brien vlerësoi përparimin ekonomik dhe demokratik të Kosovës dhe vetëpërmbajtjen e institucioneve të Republikës së Kosovës pavarësisht provokimeve dhe sulmeve në veri të vendit.
Kryeministri Kurti e falënderoi ndihmës sekretarin O’Brien për bisedën e mbështetjen e vazhdueshme të tij dhe të Shteteve të Bashkuara të Amerikës.
Last modified: 17 Janar, 2024