Prishtinë, 8 qershor 2023
Kryeministri i Republikës së Kosovës, Albin Kurti, ka pritur sot në takim veprimtarin dhe aktivistin e njohur për çështjet shqiptare, Naser Nika.
Në këtë takim shumë miqësor, kryeministri Kurti falënderoi z. Nika për kontributin dhe punën e tij të madhe që ndërlidhet me vendin e popullin tonë, duke qenë zë i fortë i mërgatës sonë shqiptare në SHBA.
Z. Nika i dhuroi kryeministrit Kurti një certifikatë mirënjohjeje nga kongresmenja Nicole Malliotakis, përfaqësuese e distriktit të 11-të të New York-ut.
Aktivisti Naser Nika njihet po ashtu për iniciativën e tij që një rrugë në Staten Island në New York, ka marrë emrin e një nga personaliteteve më të shquara të kombit shqiptar, Ismail Qemali, rrugë kjo e cila u inaugurua ditë më parë.
Certifikata-e-mirenjohjes-per-Kryeministrin-Kurti
Last modified: 8 Qershor, 2023