Prishtinë, 27 maj 2010
Kryeministri i Republikës së Kosovës, Hashim Thaçi ka pritur sot kryetarin e Komunës së Preshevës, Ragmi Mustafa, me të cilin ka biseduar për aktualitetin politik në Kosovë dhe në Luginën e Preshevës.
Z. Mustafa ka njoftuar kryeministrin Thaçi lidhur me zhvillimet aktuale në Luginën e Preshevës dhe angazhimet e spektrit politik shqiptar për avancimin e pozitës së shqiptarëve në Preshevë, Bujanoc dhe Medvegjë.
Kryeministri Thaçi ritheksoi edhe njëherë mbështetjen e qeverisë dhe të gjitha institucioneve të Republikës së Kosovës për realizimin e të drejtave të tyre politike dhe kombëtare në vendbanimet e tyre në Preshevë, Bujanoc dhe Medvegjë.
Last modified: 27 Maj, 2010