Prishtinë, 11 shtator 2008
Para shtatë vjetësh forcat e errëta goditën vendin e demokracisë botërore, Shtetet e Bashkuara të Amerikës, duke tronditur të gjitha mendjet liridashëse kudo në botë.
Ky sulm terrorist bëri që popujt dhe vendet demokratike të shprehin solidarizim të lartë me Shtetet e Bashkuara të Amerikës, me kombin e madh amerikan, që nuk u dobësua nga kjo goditje.
Përkundrazi, Shtetet e Bashkuara të Amerikës, shpalosën vendosmërinë edhe më të madhe për ta luftuar të keqen njerëzimit në shkallë globale, duke ndëshkuar rrjetin e terrorizmit.
Kosova dhe qytetarët e saj janë solidarizuar me dhembjen amerikane, dhe kanë dëshmuar respektin e lartë për Shtetet e Bashkuara të Amerikës, si mikun më të madh të lirisë së Kosovës.
Në shtatë vjetorin e sulmeve terroriste mbi SHBA-të, institucionet e Kosovës edhe njëherë shprehin zotimin e tyre për përkrahje të politikës së Shteteve të Bashkuara të Amerikës për zgjerimin e demokracisë kudo në botë dhe përhapjen e vlerave të lirisë.
Hashim Thaçi,
Kryeministër i Qeverisë së Republikës së Kosovës
Last modified: 11 Shtator, 2008