Në telegramin e ngushëllimit thuhet:
I nderuari kryeministër Vanhanen,
Me pikëllim të thellë e morëm lajmin për krimin e rëndë, të shkaktuar nga një qytetar me prejardhje nga Kosova, i cili mori jetën e 5 qytetarëve të pafajshëm të vendit tuaj.
Në emër të Qeverisë së Republikës së Kosovës dhe në emrin tim, pranoni ngushëllimet më të sinqerta për ju, qeverinë tuaj, popullin finlandez dhe në veçanti për familjet e viktimave.
Në këto momente të vështira, populli dhe institucionet e Republikës së Kosovës, qëndrojnë përkrah jush për të ndarë këtë dhembje të madhe.
Hashim Thaçi,
Kryeministër i Republikës së Kosovës
Last modified: 31 Dhjetor, 2009