Prishtinë, 23 mars 2013
Kryeministri i Qeverisë së Republikës së Kosovës, Hashim Thaçi dënon aktin e kërcënimit të aktivistes Nazlie Bala.
Kryeministri rithekson se të gjithë qytetarët e Kosovës me sakrificën dhe përkushtimin e tyre të madh me dekada të tëra kanë kontribuar për të ndërtuar shtetin e lirë, të pavarur dhe demokratik të Kosovës.
Bazuar në këtë sakrificë dhe në këtë vizion të realizuar, për Qeverinë e Republikës së Kosovës është i papranueshëm dhe i dënueshëm cenimi i lirisë së shprehjes dhe i jetës së secilit qytetar të vendit.
Kryeministri Thaçi kërkon nga organet kompetente që të ndërmarrin të gjitha masat e domosdoshme që kryesit e këtij akti të kërcënimit të përgjigjen para drejtësisë dhe të marrin dënimin e merituar.
Last modified: 14 Maj, 2022