Kryeministri Thaçi, ka njoftuar z.Vollebaek lidhur me progresin e arritur të institucioneve të Kosovës në implementimin e dokumentit të presidentit Ahtisari, në respektimin dhe avancimin e te drejtave të minoritarëve, dhe punën për ndërtimin e një shoqërie multietnike efikase në kuptimin e integrimit të plotë të minoriteteve.

E nderuara familje Hoxha, me hidhërim morëm lajmin për vdekjen tragjike të Presidentit të kompanisë mediale Top Media, z. Dritan Hoxha. Familja Hoxha humbi më të dashurin e tyre, ndërsa komuniteti i gazetarisë një emër dhe drejtues të zellshëm në fushën e informacionit modern.

Kryeministri i Qeverisë së Republikës së Kosovës, Hashim Thaçi ka pritur në takim shefen e Zyrës Ndërlidhëse të Çekisë në Prishtinë, Znj. Janina Hrebickova, nga e cila ka pranuar konfirmimin zyrtar të Çekisë për njohjen e Kosovës shtet të pavarur dhe sovran.

Zëvendëskryeministri i Qeverisë së Kosovës, z. Ramë Manaj priti sot një delegacion qeveritar nga Hungaria, i cili kryesohej nga znj. Mariann Berecz, drejtuese e Departamentit në Ministrinë e Jashtme të Hungarisë për Çështje Evropiane.

Qeveria e Republikës së Kosovës, në mbledhjen e 21-të, drejtuar nga kryeministri z. Hashim Thaçi, ka shqyrtuar dhe miratuar një pako prej gjashtë projektligjesh të reja, të cilat dalin nga Propozimi Gjithëpërfshirës për Statusin e Kosovës të Presidentit Martti Ahtisaari.

Kryeministri i Qeverisë së Republikës së Kosovës, z. Hashim Thaçi i shoqëruar nga zëvendësministri i Transportit dhe Postë-Telekomunikacionit, z. Adem Graboci, sot solemnisht, në Banjë të Komunës së Istogut, ka përuruar rrugën e asfaltuar Banjë- Vrellë.

E nderuara familje Hoti,zonja dhe zotërinj. Fati i pazbardhur dhe ende enigmatik i profesorit Ukshin Hotit është një brengë që rëndon në shpirt dhe mendje jo vetëm familjarët e ngushtë, por edhe kolegët e tij, ish studentët, bashkëmendimtarët, veprimtarët, institucionet e Republikës së Kosovës dhe qytetarët në Kosovë dhe jashtë saj.

Përkushtimi ynë për realizimin e Programit të aprovuar për qeverisjen elektronike do të jetë i madh në mënyrë që qytetari dhe biznesi ta kenë shërbimin qeveritar ashtu siç e meritojnë, të shpejtë, në çdo kohë dhe nga çdo largësi, për t’i realizuar kërkesat e tyre të përditshme.

Qeveria e Republikës së Kosovës e kujton z. Bujar Muharremi si diplomat, analist dhe gazetar të zotin. Z.Muharremi ishte i motivuar për t’i shërbyer të vërtetës dhe të mirës së përgjithshme. Ai ka qenë në kulmin e pjekurisë profesionale.

Bashkimi Evropian si donatori dhe përkrahësi me i madh i vendeve te Ballkanit Perëndimor disa here ka konfirmuar se e ardhmja e rajonit është në Bashkimin Evropian. Kjo është vërtetuar edhe në Samitin e Selanikut (2003) kur u tha se “progresi i secilit vend në drejtim të integrimit Evropian varet nga angazhimi në plotësimin e Kritereve të