Prishtinë, 31 maj 2023
Kryeministri i Republikës së Kosovës, Albin Kurti, ka zhvilluar sot një bisedë telefonike me Presidentin e Republikës së Turqisë, Recep Tayyip Erdoğan.
Me këtë rast, kryeministri Kurti e ka uruar presidentin turk Erdoğan për rizgjedhjen e tij si president i Turqisë për tri herë radhazi, teksa diskutuan edhe për marrëdhëniet të mira dypalëshe dhe ngjarjet e fundit në vend.
Kryeministri Kurti në këtë bisedë telefonike me presidentin Erdoğan ka shprehur shqetësimin e tij për dhunën e milicisë serbe kundër Policisë, KFOR-it dhe mediave në protestat e dhunshme të hënën në veri të vendit.
“Në Republikën tonë pushteti mund të fitohet vetëm me votë – asnjëherë me dhunë’’, ka thënë kryeministri.
