Prishtinë, 10 shtator 2024
Kryeministri i Republikës së Kosovës, Albin Kurti, priti në takim z.Ismet Krasniqi, z.Milaim Kelmendi dhe z.Besim Haliti nga Komiteti Olimpik i Kosovës, si dhe përfaqësuesit e Komunës së Prishtinës, me në krye Kryetarin Përparim Rama.
Takimi u mbajt si vazhdimësi e takimeve në lidhje me organizimin e Lojërave Mesdhetare 2030.
Të gjitha palët u dakorduan që partneriteti ndërmjet institucioneve dhe bashkëpunimi i ngushtë sjell organizim të suksesshëm të Lojërave Mesdhetare. Hapat e mëtutjeshëm në kuptimin organizativ e ligjor janë në dakordim e sipër, me në thelb koordinimin e ngushtë ndërmjet Qeverisë së Republikës së Kosovës me palët tjera nënshkruese të kontratës në Kretë, Komitetit Olimpik dhe Komunës së Prishtinës.
Organizimi i suksesshëm i Lojërave Mesdhetare 2023 është interes shtetëror, andaj të gjitha palët shprehën gatishmëri për efikasitet të plotë përmes kontributit të menjëhershëm e përkushtimit të vazhdueshëm.
Last modified: 10 Shtator, 2024