Prishtinë, 29 maj 2009
Qeveria e Republikës së Kosovës, nën drejtimin e kryeministrit Hashim Thaçi, sot ka miratuar shtatë projektligje të cilat do të procedohen në Kuvendin e Kosovës për miratim.
Këto projektligje janë: Projektligji për Ndarjen e Dekoratave nga Presidenti (ZKM)
Projektligji për Plotësimin dhe Ndryshimin e Ligjit për Duhanin Nr. 02/L – 36 (MSH)
Projektligjit për Minierat dhe Mineralet (MEM),
Projektligji për Ndryshimin dhe Plotësimin e Ligjit Nr. 02/L-99 për Prokurim Publik në Kosovë Nr. 2003/17 (ZKM)
Projektligji për Tatimin në të Ardhurat e Korporatave (MEF),
Projektligji për Tatimin në të Ardhurat Personale (MEF),
Projektligji për Mbrojtjen e Ajrit nga Ndotja (MMPH)
Qeveria e Kosovës po sot ka miratuar kërkesën e Ministrisë së Punëve të Brendshme për inicimin e procedurës për hartimin e dy strategjive:
Strategjisë Nacionale për Grumbullimin e Armëve të Paligjshme dhe të
Strategjisë Nacionale dhe Planit të Veprimit për Parandalimin dhe Reduktimin e Krimit .
Po ashtu, është miratuar iniciativa e Ministrisë së Punëve të Brendshme për zgjatjen e orarit të punës duke filluar nga 1 qershori nga 8 në 11 orë dhe 8 orë pune të shtunave si dhe të shtimit të kapaciteteve në qendrat komunale të Regjistrimit Civil dhe në Departamentin e Prodhimit të Dokumenteve. E gjithë kjo sipas ministrit Zenun Pajaziti do të bëhet veçmas për të lehtësuar nxjerrjen e dokumenteve për njerëzit tanë nga diaspora.
Qeveria po ashtu ka marrë vendim për hapjen e dy pikave të përkohshme kufitare me Republikën e Shqipërisë në Glloboçicë dhe në Qafë Gjonaj.
Është marrë vendim për caktimin e lokacionit për deponimin dhe magazinimin e mbeturinave dhe materieve të rrezikshme dhe kërkesën e KEK për shpronësimin e pronës dhe pasurisë së banorëve të fshatit Hade, Lagja Shalaj
