Prishtinë, 20 gusht 2009
Në vazhdim po e japim deklaratën e kryeministrit Thaçi pas takimit:
Kishim një takim shumë të mirë me z.Kermabon dhe me përfaqësuesit e ICO-së.
Republika e Kosovës, institucionet e saj, edhe njëherë i konfirmuan gatishmërinë e plotë të saj, në kuadër të respektimit të plotë të Kushtetutës së Republikës së Kosovës, të dokumentit të Presidentit Ahtisaari, për bashkëpunim me të gjitha vendet e rajonit. Ky bashkëpunim është në interes të paqes, stabilitetit, bashkëpunimit rajonal dhe perspektivës evropiane.
Ne gjithashtu, do të punojmë ngushtë, sikur edhe kemi punuar deri më tani me përfaqësuesit e EULEX-it dhe ICO-së, duke vlerësuar kështu këshillat dhe rekomandimet e tyre. Por, në të njëjtën kohë, ne do të jemi pjesë e të gjitha përkushtimeve pozitive rajonale, duke marrë vendime si institucione të Republikës së Kosovës, vendime këto që dalin duke respektuar plotësisht Kushtetutën e Republikës, vullnetin e qytetarëve të Kosovës.
Prandaj, ne do të vazhdojmë me përkushtimet tona si institucione të vendit, por në të njëjtën kohë duke vazhduar bashkëpunimin e ngushtë edhe me EULEX-in, ICO-në dhe të gjithë faktorët relevantë ndëkombëtar në Kosovë.
Prandaj, ka qenë një takim dobiprurës dhe mirësqarues