Prishtinë, 9 nëntor 2010
Në telegramin e ngushëllimit thuhet:
I nderuar kryeministër Berisha,
Me dhembje të madhe morëm lajmin tragjik për humbjen e jetëve të 9 qytetarëve, si pasojë e aksidentit të komunikacionit që ndodhi mbrëmë në rrugën nacionale Fier-Tepelenë.
Në emër të Qeverisë së Republikës së Kosovës dhe në emrin tim, pranoni ngushëllimet më të sinqerta për Ju, Qeverinë tuaj, popullin shqiptar dhe familjarët e viktimave, ndërsa të lënduarve ju urojmë shërim të shpejtë.
Qeveria dhe populli i Republikës së Kosovës, edhe në këto momente të vështira qëndrojnë pranë jush, për të ndarë këtë dhimbje të madhe.
Hashim Thaçi,
Kryeministër i Republikës së Kosovës
