Prishtinë, 16 shkurt 2015
Kryeministri i Republikës së Kosovës, Isa Mustafa, me rastin e kremtimit të shtatë vjetorit të pavarësisë së Kosovës, ka vizituar të hënën Agjencinë e Kosovës për Inteligjencë (AKI), ku është takuar me drejtorin e AKI-së, Agron Selimaj.
Kryeministri Mustafa, ka bashkëbiseduar me drejtorin Selimaj dhe stafin e AKI-së, duke i përgëzuar dhe ofruar mbështetjen e Qeverisë së Republikës së Kosovës për punën dhe angazhimin e tyre në ofrimin e sigurisë për qytetarët dhe Republikën e Kosovës.
