Prishtinë, 24 prill 2013
Kryeministri i Republikës së Kosovës, Hashim Thaçi, priti sot në takimin ministrin e Punëve të Jashtme të Norvegjisë, Espen Barth Eide, i cili po qëndron në vizitë zyrtare në Kosovë.
Me këtë rast, kryeministri Thaçi falënderoi ministrin e Punëve të Jashtme për mbështetjen e dhënë për konsolidimin dhe njohjen e gjerë të shtetit të ri të Kosovës nga ana e Norvegjisë.
Në këtë takim, kryeministri Thaçi shpalosi prioritetet e politikës së jashtme të Kosovës, duke u fokusuar tek fqinjësia e mirë me të gjithë fqinjët, sidomos tash pas Marrëveshjes së parë të parimeve që rregullojnë normalizimin e marrëdhënieve në mes të Republikës së Kosovës dhe Serbisë.
Nga ana e tij, ministri i Punëve të Jashtme, z. Eide e quajti këtë marrëveshje historike, dhe shprehu besimin e fuqishëm se do të arrihet normalizimi i marrëdhënieve në mes të dy vendeve, që do të ndikoj edhe në stabilitetin afatgjatë të gjithë rajonit.
Po ashtu, ministri norvegjez e siguroi kryeministrin Thaçi se Norvegjia do të vazhdoj të mbështes zhvillimin e Kosovës, sidomos në rrugën e saj të integrimeve euroatlantike.
