Prishtinë, 13 shtator 2017
Kryeministri i Republikës së Kosovës, Ramush Haradinaj, ka pritur sot ambasadorin e Zvicrës në Kosovë, Jean Lebet.
Ambasadori Jean Lebet e ka përgëzuar kryeministrin Haradinaj për zgjedhjen e tij në krye të Qeverisë së Kosovës, duke u shprehur i kënaqur me krijimin e institucioneve të Kosovës.
Ambasadori Lebet tha se shteti i tij do të vazhdojë ta mbështesë Kosovën në mënyrë të sinqertë dhe të drejtpërdrejtë.
Kryeministri Haradinaj e siguroi ambasadorin zviceran se Qeveria e udhëhequr nga ai do të bashkëpunojë ngushtë me miqtë e Kosovës.