Prishtinë, 25 qershor 2026
Kryeministri në detyrë i Republikës së Kosovës, Albin Kurti, mbrëmë mori pjesë në hapjen e ekspozitës personale “When Light Pauses”(“Kur drita pushon”), të artistes Ulpiana Kurtaj.
Në Galerinë e Fakultetit të Arteve në Prishtinë është ekspozuar seria e vizatimeve monumentale të realizuara me laps dhe thëngjill, që paraqet një hulumtim të ndjeshëm mbi trupin femëror si formë plastike dhe estetike. Duke u përqendruar në strukturën anatomike, artistja ka përdorur dritëhijet dhe kontrastet, që i japin vizatimeve ndjesi të fuqishme skulpturore.
Kryeministri uroi artisten Kurtaj për punën dhe ekspozitën, që do të jetë e hapur për dhjetë ditë, si dhe i uroi suksese në angazhimet e ardhshme.
