Prishtinë, 31 maj 2021
Zëvendëskryeministri i parë i Republikës së Kosovës për Integrime Evropiane, Zhvillim dhe Dialog, Besnik Bislimi, ka pritur sot në takim shefin e Misionit të Bashkimit Evropian për Sundimin e Ligjit (EULEX), Lars-Gunnar Wigemark.
Takimi ishte i natyrës informuese ku Shefi i EULEX, z.Wigemark e informoi zëvendëskryeministrin Bislimi për zhvillimet në fushën e sundimit të ligjit si edhe për zhvillimet në kuadër të temave që përfshihen në procesin e dialogut si: fushat e menaxhimit të integruar të kufirit, liria e lëvizjes dhe drejtësia. Në takim ishin të pranishëm dhe tre ekspertë të këtyre fushave specifike të cilët ndanë detaje nga eksperienca e tyre në terren.
