Prishtinë, 22 nëntor 2025
Kryeministri në detyrë Republikës së Kosovës, Albin Kurti, i shoqëruar nga anëtarë të kabinetit qeveritar dhe bashkëpunëtorë vizitoi për ngushëllime familjen Hoxha në Prishtinë.
Ai u shprehu familjarëve dhe miqve ngushëllimet më të sinqerta për humbjen e të dashurit të tyre, prof. Naim Hoxha.
Shënimi i kryeministrit Kurti në Librin e Kujtimeve:
I dashur e dashamirës për të gjithë ne studentët e tij që i kemi borxh të pamatshëm,
Inxhinierin e shkëlqyeshëm që nuk arrinte ta shuante kureshtjen e pasionin për dije e shkencë sado që s’ndalej së studiuari,
Aktivist patriot e socialdemokrat që kontribuoi dendur e mençur për emancipimin qytetar e kombëtar,
Prof. Naim Hoxha do të jetë përherë në zemrat tona dhe me gjurmë të pashlyeshme në shoqërinë e historinë tonë.
Me mall dhe nderim,
Albin Kurti
22 nëntor 2025
