Prishtinë, 16 maj 2009
Në telegramin e ngushëllimit thuhet:
E nderuara familje Velija,
Të nderuar punonjës të Televizionit ALSAT,
Me dhembje të madhe e morëm lajmin për ndërrimin e jetës së biznesmenit të shquar, njërit prej themeluesve të medias bashkëkohore shqiptare, familjarit dhe udhëheqësit tuaj, Vehbi Velija.
Institucionet dhe populli i Republikës së Kosovës, me respekt të lartë gjithmonë do të kujtojnë veprën e z.Vehbi Velija, vepër kjo e tëra në shërbim të zhvillimit të demokracisë dhe medias së lirë në hapësirën shqiptare dhe më gjërë.
Në emrin tim dhe në emër të Qeverisë së Republikës së Kosovës, pranoni ngushëllimet më të sinqerta.
Hashim Thaçi,
Kryeministër i Qeverisë së Republikës së Kosovës
