Prishtinë, 29 mars 2018
Roli i KFOR-it në sigurinë e vendit është i pazëvendësueshëm. Kështu tha Kryeministri i Republikës së Kosovës Ramush Haradinaj pas takimit me Komandantin e KFOR-it, Gjeneral Major Salvatore Cuoci.
“KFOR-i në vazhdimësi ka dhënë kontribut të madh për një Kosovë paqësore dhe një mjedis të qetë për të gjithë qytetarët”, tha Kryeministri Haradinaj.
Kryeministri Haradinaj falënderoi Gjeneral Major Salvatore Cuoci për punën e shkëlqyeshme të këtij misioni për ruajtjen e sigurisë në vend.
