Prishtinë, 11 shtator 2017
Kryeministri i Republikës së Kosovës, Ramush Haradinaj në orët e mbrëmjes ka pritur shefin e Misionit të BE-së për vëzhgimin e zgjedhjeve, Alojz Peterle, me të cilin ka biseduar lidhur me mbarëvajtjen e zgjedhjeve parlamentare në Kosovë, si dhe për përgatitjet për zgjedhjet komunale të 22 tetorit.
Peterle ka qëndruar në Prishtinë për një vizitë të shkurtër, për të publikuar raportin final me rekomandimet për zgjedhjet parlamentare dhe për të lansuar misionin e ri për vëzhgimin e zgjedhjeve komunale.
