Prishtinë, 9 qershor 2021
Kryeministri i Republikës së Kosovës, Albin Kurti, së bashku me zëvendësministrin e Punëve të Jashtme e Diasporë, Kreshnik Ahmeti, priti në takim ministrin për Evropë Jugore, Lindje të Mesme dhe Afrikë të Republikës së Guajanës, George Hallaq.
Ministri Hallaq ia dorëzoi kryeministrit Kurti letrën e Presidentit të Republikës Bashkëpunuese të Guajanës, dr. Mohammed Irfaan Ali, me urimin për fitoren në zgjedhjet e 14 shkurtit. Në letër presidenti guajanas ka theksuar rëndësinë e bashkëpunimit ndërmjet dy vendeve dhe e ka ftuar kryeministrin Kurti për vizitë në kryeqytetin e Guajanës, Georgetown.
Gjithashtu, ministri Hallaq shprehu në takim vullnetin dhe gatishmërinë e Republikës së Guajanës për bashkëpunim me Republikën e Kosovës.
Kryeministri Kurti e falënderoi ministrin Hallaq për vizitën dhe për letrën e presidentit dr. Mohammed Irfaan Ali. Ai tha se populli i Guajanës dhe populli i Kosovës kanë kaluar histori të ngjashme të luftës çlirimtare e të shtetformimit demokratik, dhe se të dy vendet janë të pozicionuara në anën e njëjtë të politikës globale.
Shteti i Guajanës ndodhet në Amerikën Jugore dhe e ka njohur pavarësinë e Kosovës në vitin 2013.
Sonte, në orën 23:00, në Aeroportin Ndërkombëtar të Prishtinës “Adem Jashari”, do të mbahet konferencë për media. Luten mediat që për arsye të organizimit t’i dërgojnë emrat e gazetarëve/kameramanëve dhe fotoreporterëve deri në ora 20:00, te Valentina Gara – email vgara@limakkosovo.aero dhe te Zyra për Komunikim Publik e Zyrës së Kryeministrit, email – zkp.zkm@rks-gov.net.
Vendi: Aeroporti Ndërkombëtar të Prishtinës “Adem Jashari” Koha: 23:00:00