Prishtinë, 21 prill 2010
Kryeministri i Republikës së Kosovës, Hashim Thaçi ka ftuar homologun e tij, kryeministrin e Republikës së Shqipërisë, Sali Berisha, për të marrë pjesë në ceremoninë e përurimit të fillimit të punimeve në autostradën Morinë-Vërmicë-Prizren-Prishtinë-Merdarë.
Nga ana e tij, kryeministri i Republikës së Shqipërisë, Sali Berisha, e ka mirëpritur ftesën e kryeministrit Thaçi dhe ka shprehur gatishmërinë e tij dhe të Qeverisë së Shqipërisë për të marrë pjesë në këtë eveniment madhështor.
Ceremonia e përurimit të fillimit të punimeve të autostradës do të mbahet më 25 prill 2010, në Vërmicë, duke filluar në orën 13:00.
Last modified: 21 Prill, 2010