Prishtinë, 28 janar 2013
Kryeministri i Kosovës, Hashim Thaçi priti në takim lamtumirës shefin e EULEX-it n Xavier Bout De Marnhac me rastin e përfundimit të mandatit të tij në krye të misionit të BE-së për sundimin e ligjit.
Në takim kryeministri Thaçi shprehu falënderimin e Qeverisë së Kosovës për bashkëpunimin e ngushtë në mes të institucioneve të Republikës së Kosovës dhe misionit të EULEX-it në Kosovë si dhe për angazhimin dhe përkushtimin personal të z. De Marnhac.
Kryeministri Thaçi me këtë rast ritheksoi përkushtimin dhe angazhimin e Qeverisë së Kosovës për zbatimin e rendit dhe të ligjit në Kosovë, luftën kundër korrupsionit dhe krimit të organizuar dhe trafikimit me qenie njerëzore. Në këtë angazhim, ndihmesë të madhe ka dhënë edhe EULEX-i nën drejtimin e z. Marnhac.
“Edhe në të ardhmen ne presim që të bashkëpunojmë ngushtë me misionin e BE-së për të fuqizuar rendin, sigurinë dhe ligjin sidomos në veri të Kosovës”, theksoi kryeministri Thaçi.
Shefi i EULEX-it, Xavier Bout de Marnhac e falënderoi kryeministrin Thaçi dhe Qeverinë e Kosovës për bashkëpunimin e mirë dhe konstruktiv si dhe përkrahjen që i ka dhënë misionit të BE-së për sundimin e ligjit – EULEX.