Athinë, 9 korrik 2021
Kryeministri i Republikës së Kosovës, Albin Kurti, takoi në Athinë liderin e partisë SYRIZA z. Alexis Tsipras.
Gjatë këtij takimi, u bisedua për përmirësimin e dukshëm të situatës aktuale në menaxhimin e pandemisë COVID-19 si dhe reformat e qeverisë së Kosovës në fushën e sundimit të ligjit dhe zhvillimit ekonomik. Kryeministri Kurti foli edhe për bashkëpunimin rajonal dhe integrimin ekonomik të Ballkanit Perëndimor.
U vlerësuan marrëdhëniet mes Kosovës dhe Greqisë si dhe mundësitë për bashkëpunim në fusha të interesit të përbashkët.
Pas këtij takimi, kryeministri Kurti u bashkua me të ftuarit e tjerë, në darkën e ftuar nga z.Tsipras, në përmbyllje të Tryezës së Rrumbullakët, ku kryeministri ishte folës.
Në këtë tryezë, të 25-tën me radhë, organizuar nga Qeveria e Greqisë dhe prestigjiozja britanike “The Economist” morën pjesë kryeministra e ministra të vendeve të ndryshme, zyrtarë qeveritarë, vendimmarrës, drejtues të korporatave dhe akademikë.
