Prishtinë, 15 qershor 2009
Bashkëbiseduesit janë pajtuar për arritjet e vlerësuara nga takimi i 16 i Mekanizmit të Stabilizim Asociimit, mbajtur javën e kaluar në Prishtinë. Është shtruar gjatë takimit edhe bashkëpunimi rajonal – gjetja e një qasje pragmatike për të bërë të mundur përfaqësimi e Kosovës në takimet rajonale.
Zëvendëskryeministri Hajredin Kuçi ka thënë se pas pavarësisë së vendit Integrimi Evropian është prioritet numër një i Qeverisë. Zhvillimi ekonomik dhe agjenda evropiane shkojnë në të njëjtin drejtim ka thënë z. Kuçi.
Në takim është diskutuar edhe liberalizimi i vizave. Z. Kuçi ka shtruar nevojën e gjetjes së mundësive që edhe Kosova të hyj në procesin e liberalizimit të vizave dhe mos të mbetet e vetmja në Ballkan jashtë këtij procesi.
Tomas Szunyog, drejtor në Departamentin e Evropës Juglindore në Ministrinë e Punëve të Jashtme të Çekisë është shprehur i kënaqur me zhvillimet dhe progresin që është bërë në Kosovë dhe ka premtuar gatishmërinë e vendit të tij për marrëveshje bilaterale të bashkëpunimit mes dy shteteve.
