Baks, Skënderaj 14 dhjetor 2025
Kryeministri në detyrë i Republikës së Kosovës, Albin Kurti, vizitoi për ngushëllime familjen Jakupi, me rastin e ndarjes nga jeta të mësuesit, Osman Jakupi.
Osman Jakupit ishte mësimdhënës i plagosur në luftë, kishte humbur dy djem si dhe ishte i burgosur politik.
Kryeministri Kurti e vlerësoi lart figurën e Osman Jakupit, për të cilin tha se qëndroi i fortë në burgje të Serbisë ndonëse ishte i plagosur.
“Kujtimi për të është i paharrueshëm ashtu sikur që kontributi i tij për arsimin dhe kombin i pashlyeshëm”, shkroi në Librin e Zisë, Kryeministri.
Shënimi i plotë i Kryeministrit Kurti:
Mësues i mirë dhe patriot i madh, Baca Osman qëndroi i fortë në burgje të Serbisë ndonëse ishte i plagosur. Kujtimi për të është i paharrueshëm ashtu sikur që kontributi i tij për arsimin dhe kombin i pashlyeshëm.
Me nderime dhe pikëllim,
Albin Kurti
Kryeministër në detyrë i Republikës së Kosovës
Baks, 14 dhjetor 2025
