Zëvendëskryeministri Branimir Stojanoviq bisedoi sot në Prishtinë me Sekretarin e Përgjithshëm të NATO-s Jens Stoltenberg.
Stojanoviq në takim me Stoltenbergun theksoi se detyrë e tij kryesore në pozitën e zëvendëskryeministrit të Kosovës do të jetë zhvillimi i komunitetit serb. Stojanoviq theksoi rëndësinë e sigurisë për të gjithë qytetarët, dhe se roli i KFOR-it në këtë aspekt ka rëndësi tejet të madhe.
Stojanoviq gjatë bisedës me Sekretarin e Përgjithshëm të NATO-s, i cili ndodhet në një vizitë zyrtare në Kosovë, theksoi se një nga sfidat më të mëdha është formimi I Asociacionit të komunave serbe, që do të thotë ekzistencë për komunitetit serb në Kosovë.
Sekretari i Përgjithshëm i NATO-s Jens Stoltenberg tha se “Kosova tash është një vend më i sigurt”, dhe se KFOR-i do të vazhdojë të ndihmojë në ruajtjen e një mjedisi të sigurt dhe në lirinë e lëvizjes për të gjithë njerëzit në Kosovë.
Forcat e NATO-s në përbërje të KFOR-it në Kosovë kanë 5500 ushtarë nga 31 vende të botës.
