Prishtinë, 6 shtator 2013
Kryeministri i Republikës së Kosovës, Hashim Thaçi do të qëndrojë sot për një vizitë zyrtare në Tiranë.
Me këtë rast, Kryeministri Thaçi do të pritet nga homologu i tij, Kryeministri i Republikës së Shqipërisë, Sali Berisha.
Gjatë vizitës, kryeministri Thaçi do të zhvillojë takime edhe me Presidentin e Shqipërisë, Bujar Nishani, me mandatarin për formimin e Qeverisë së re të Shqipërisë, Edi Rama, me Kryetarin e Lëvizjes Socialiste për Integrim, Ilir Meta, dhe me Kryetarin e Partisë Demokratike të Shqipërisë, Lulëzim Basha.
Temë kryesore e të gjitha takimeve do të jetë thellimi i mëtejmë i marrëdhënieve mes Kosovës dhe Shqipëris dhe bashkëpunimi në kuadër të procesit të integrimit evropian.
Më poshtë po ju përcjellim të plotë agjendën e takimeve që Kryeministri Thaçi do të zhvillojë nesër në Tiranë:
14:00h Kryeministri Thaçi takon Kryeministrin e Shqipërisë, Sali Berisha
Pas takimit do të ketë konferencë për media.
Vendi: Selia e Kryeministrisë, Tiranë
15:00h Kryeministri Thaçi takon Mandatarin për formimin e Qeverisë së re të Shqipërisë, Edi Rama
Pas takimit do të ketë konferencë për media.
Vendi: Selia e Partisë Socialiste, Tiranë
16:00h Kryeministri Thaçi takon Ilir Metën, Kryetar i LSI-së
Pas takimit do të ketë konferencë për media.
Vendi: Selia e LSI-së, Tiranë
17:00h Kryeministri Thaçi takon Presidentin e Republikës se Shqipërisë, Bujar Nishani
Vendi: Selia e Presidentit, Tiranë
17:30 Kryeministri Thaçi takon Kryetarin e PD-së, Lulzim Basha
Pas takimit do të ketë konferencë për media.
Vendi: Selia e PD-së, Tiranë
