Prishtinë, 9 tetor 2017
Kryeministri i Republikës së Kosovës, Ramush Haradinaj, priti në takim ambasadorin e Republikës së Çekisë, Ivo Šilhavý, të cilin e falënderoi për urimin që ka marrë nga kryeministri çek Bohuslav Sobotka.
Ambasadori Šilhavý u interesua për qeverisjen e mirë, për traditat kulturore të Kosovës dhe në veçanti për ekonominë kosovare.
Kryeministri Haradinaj dhe ambasadori Šilhavý u dakorduan për bashkëpunimin e mëtejshëm mes dyja shteteve në të gjitha fushat e interesit reciprok.
Ambasadori çek u zotua se Qeveria e Republikës së Çekisë do ta përkrahë Kosovën në agjendën e saj integruese euro-atlantike.
