Zëvendëskryeministri i Parë për Integrim Evropian, Zhvillim dhe Dialog i Republikës së Kosovës, Besnik Bislimi priti në takim një delegacion nga Parlamenti i Kroacisë, i kryesuar nga deputeti i Parlamentit të Kroacisë, Domagoj Hajduković.
Në takim u diskutua mbi bashkëpunimin rajonal, procesin e integrimit evropian të Kosovës përfshirë aplikimin për anëtarësim në Këshillin e Evropës, liberalizmin e vizave dhe synimin e Qeverisë për aplikim për marrjen e statusit të vendit kandidat për anëtarësim në Bashkimin Evropian.
Deputeti Hajduković, vlerësoi lartë raportet Kroaci-Kosovë dhe partneritetin frytdhënës dhe të vazhdueshëm mes dy vendeve. Gjithashtu, potencoi përkrahjen e Kroacisë ndaj Kosovës, për liberalizimin e vizave, anëtarësimin në Këshillin e Evropës dhe proceset e tjera integruese të rrugëtimit drejt BE-së.
Zëvendëskryeministri Bislimi e falënderoi deputetin për vizitën, bashkëpunimin e ngushtë dhe vlerësoi mbështetjen e shtetit kroat ndaj Republikës së Kosovës.
Last modified: 14 Korrik, 2022